早前與「翻版張震嶽」Jamie共赴灣仔時鐘酒店過夜的Yumi，近日惹來「援交」疑雲，雖然事後她解釋Jamie是其過氣男友，但解畫錯漏百出令形象插水！屢傳因被師妹搶工作的趙碩之昨日出席《apm達人夜書市》活動時趁機狂插對方。問她有否向Yumi了解援交疑雲時，她淡然說：「冇！咪當吸取教訓囉，公眾人物拍拖冇唔妥！」當記者指Yumi不是拍拖，而是被指援交時，她即表示不知道援交的定義：「我只知道Jamie係我哋嘅髮型師，佢叫Jamie做男友，我都好Shock（震驚）！全世界都知道佢（Jamie）有一個要好嘅女朋友，佢（Yumi）要負番責任囉！佢咁做唔恰當！」

Bibe（左起）、碩之及新鴻基地產租務總經理馮秀炎（右二），與Cosplay達人出席活動。	Yumi因被指「援交」而形象插水，更慘成眾矢之的，認真慘情！ 資料圖片	Lavina表示援交有損女性尊嚴，更揚言賺錢要靠勞力。

直指工作態度差

她又表示知道Yumi兩個月前已跟元朗男友分手，故認為Yumi不算一腳踏兩船及援交，但她則狂插Yumi入時鐘酒店：「咁都算過分！男方年紀大啲都要負責任！」問到是否相信師妹沒有援交？她又再扮傻的說：「援交好似唔係向身邊人落手，唔係喺網上搵㗎咩？」再問Yumi為人如何時，她即時「O嘴」：「可唔可以改吓個話題，我唔想評論！佢男女關係有啲亂囉！但佢都澄清咗啦，放佢一馬！公司知佢冇援交就OK！」對於有指Yumi被公司雪藏令她直接得益，對此碩之說：「如果佢工作態度好啲，公司會畀番機會佢嘅！」明寸Yumi工作態度欠佳！其後她更笑Yumi情到濃時才上時鐘酒店，談到Yumi有錢銀過手時，她即寸爆：「可能真係幫Yumi買嘢先畀番錢佢，佢都幾手緊！有時我同夢夢都幫佢畀錢！」

深夜收試鏡電話

與此同時，Yumi的「死敵」Lavina也加入戰團，她自爆近日不斷被「午夜凶鈴」騷擾，藉詞叫她外出試鏡，但經理人叮囑她千萬不要上當。對於Yumi被指援交，她暗寸說：「我唔知呀！不過唔係所有人都會援交嘅！我唔鼓勵咁做！搵錢要靠勞力，咁會影響女性尊嚴同教壞細路！」