本文重點
鄧麗欣最近忙於拍戲及出席宣傳活動，整個月也沒有回家，她笑言香閨的床已發霉，亦沒有時間洗衫，更笑說：「連底都冇得換喇！」
最近經常以孖公仔姿態現身的鄧麗欣（Stephy）與吳雨霏（Kary），前晚齊齊為服裝品牌Veeko拍廣告，更有默契地跳起擺甫士！
Stephy說：「每人要影十幾套衫，但我哋慣咗，一埋位就自動擺『絕代雙嬌』甫士！」忙於拍戲及宣傳的她，自爆整個月未有返家休息：「一陣影完又要去澳門開工，24小時冇得瞓，成個月冇返過屋企，張床發晒霉，洗衫都冇時間，連底都冇得換喇！」在澳門拍戲至清晨6時的她，又要立即趕返港出席中國女排活動，曾是香港隊青年軍成員的她說：「我最鍾意重炮手王一梅，因為我以前都係打主攻位！」
Kary拍MV險出事
至於Kary則自爆日前拍MV險發生意外，她說：「個景有兩道車門吊起咗，我就企喺中間，突然有道門跌落嚟，嚇到我即刻按住個頭，導演拍低咗我個驚樣，好好笑！」在旁的Stephy亦取笑她說：「Kary驚到好似上次燒着《美女廚房》咁，我建議佢擺上YouTube同大家分享！」