早前到非洲埃塞俄比亞拍攝台慶特輯《活着》的何守信，日前在當地的Turmi拍攝期間不慎跌落三呎深的坑渠內。昨傍晚六時許，右腳打了石膏的他，在保險公司的外籍醫護人員陪同下坐輪椅返港：「初時搽咗藥油都唔消腫，跟住就坐咗五個鐘頭車去到一個小鎮嘅醫院，嗰度連輪椅都冇，但照咗X光後，醫生話醫唔到，要轉去首都醫院！」醫生更指他骨折頗嚴重，建議他盡快動手術，否則瘀血會影響腿部。至於肯尼亞的拍攝工作則由宣萱頂上，而本周出發前往當地的徐子珊則負責轉交衣服及藥物。約晚上七時許，何守信乘坐Benz抵達法國醫院，據知其妻陳麗斯為避傳媒追訪，早已在醫院守候，她表示兩、三日前已得知老公受傷：「擔心佢傷筋！唔及早治理會有後遺症！」另監製鄧婉媚表示何守信傷勢不輕：「聽日七點半做手術，佢腳踭有兩條骨仔斷咗、骹都歪埋！醫生預計佢要休息兩至三個月先至可以痊愈。」