譚凱琪、G.E.M.及Janice Man昨日齊齊出席護膚品牌SKINFOOD活動。G.E.M.與JM即場示範調製雞尾酒，但前者顯得有點雞手鴨腳。G.E.M.興奮表示本周日18歲生日，並已約好中學朋友慶祝，而Fans Club亦會為她舉行生日派對。問到有何生日願望，她說：「我希望瘦啲，唔想手臂嘅Bye Bye（肉）再有餘震！」她透露成年後有三件事必要做，就是考車牌、飲酒及看三級片：「我到依家都未睇《色，戒》呀！（未睇過三級片？）以前有偷雞睇過！」她又笑言希望生日禮物是有拖拍：「之前喺日本拍MV，做咗好多拍拖好Sweet嘅嘢，個男主角係法國Mix日本。（有冇問佢攞聯絡方法？）Facebook囉！」她又指公司及家人都不反對她拍拖。
此外，JM否認酬勞三級跳及令衞蘭失勢：「公司個個都錫，唔會分邊個輕邊個重，百花齊放。」