昨日周秀娜率領師妹「八模兵團」的A.Lin、DaDa、Hailey及Crystal出席《涼浸浸大抽獎@朗豪坊》揭幕大典，當中以周秀娜與A.Lin的Fans最多，試飲時，有男Fans堅持黐實周秀娜。
對於有報道暗指尹蓁晞（Yumi）涉援交，曾被Yumi喪插出攬枕意識不良的周秀娜表示與Yumi不稔熟，不清楚對方的為人，但覺得她是個好女仔。問她會否覺得Yumi講一套做一套時，周秀娜說：「佢講咩有佢嘅原因同目的，我對個報道唔清楚，但自己唔會咁做（援交）。（覺得心涼？）唔會，件事未經證實。」
至於Hailey聲稱不認識Yumi，問她會否擔心此事影響o靚模形象，她說：「唔擔心，可能嗰個係Yumi男友，拍拖好正常。（拍拖入時鐘酒店好正常？）係咪唔小心經過咋？我下次經過都要小心啲，以免畀人誤會。」她們又異口同聲表示從未被要求作援交。