為Yumi及Melody祝捷的大名娛樂老闆林建名表示，已就Yumi的報道查詢，更力撐她不是援交，處處為Yumi護航，他說：「嗰個（「港版張震嶽」）係佢朋友，唔係有錢銀交易。（話Yumi援交？）咁講梗係唔好啦！只係影到有錢就以為係，我唔相信佢援交，當紅時毋須要做呢啲嘢，要錢公司都會幫。負面新聞大家睇開咗就冇嘢，如果係援交，一定會處分！（你好錫Yumi？）我對旗下所有藝人都好支持，我會叫佢小心啲。」
至於會否叫Yumi不要再在公園親熱，林建名笑說：「要要要！咁大個女呢啲成熟嘅嘢唔好喺公園做，佢屋企複雜，當日返唔到屋企先去酒店。」
另外，林建名對寫真集銷量感到很滿意，稍後會再搞慶功，問到會否送現金獎賞，他笑說：「我一向講心唔講金，公司有唔同制度去獎勵！