前晚錢嘉樂及胡定欣等為劇集《王老虎搶親》結局篇舉行飯局，上周四生日的嘉樂獲影迷送上蛋糕及老虎公仔，問到會否開拍續集？他笑言再反串擔心大家未能接受。對於有指他難忘舊愛李珊珊而與湯盈盈分手，他說：「冇講過分手！（情傾珊珊？）仲提嚟做乜，騷擾到人又傷害到人。（同盈盈咩關係？）朋友！蘇民峰話我今年冇咩變化。（分手？）一切依舊，冇咁嘅事。（佢送咩生日禮物？）本地朋友冇。（向盈盈派定心丸？）派晒畀香港女性，等佢哋仲有機會。（周潤發讚你套劇做得好？）係我教佢講！畀人讚梗係開心。」
另一邊廂的珊珊更新網誌談及傳聞，她透露嘉樂在其生命中絕非普通人，二人分開後要走一條新路亦絕非易事，不過他們正努力。對於被指愛夜蒲，她直言近年熱愛家中活動，請大家不要把她標籤做蒲女。