前晚《國語力頒獎禮》共頒發110個獎項，中、港、台三地歌手雲集，當中以台灣幫最人強馬壯，羅志祥（小豬）及棒棒堂的歌迷聲勢震撼全場，他們表演歌舞時，掀起全晚高潮！香港歌手方面，幸得Eason及Joey兩位樂壇天王天后力壓「台風」，共奪十個大獎。Joey與好姊妹蔡卓妍（阿Sa）齊齊揀選Paule Ka的晚裝赴會，帶領英皇歌手橫掃十七個獎，認真可喜可賀！

陳奕迅雖然奪得大獎，可惜領獎時嘴扁扁悶悶不樂！	阿Sa穿上Paule Ka晚裝與林俊傑領獎，笑到見牙唔見眼！	鄭希怡在台上勁歌熱舞，大騷手腕上的紋身。

與小豬交換跳舞經

談到「台風」吹襲，樂天的Joey認為是個交流的好機會：「佢哋表演嗰陣氣氛真係好好！我自己都好興奮喺台下跳舞，可以同小豬切磋舞經，而且我同蔡依林都整親條腰，佢仲介紹個台灣醫生畀我添！」而Eason則顯得悶悶不樂，當小豬落台邀請歌手跳舞時，唯獨他堅持坐着未有參與，當公布他獲得「全球最受歡迎至尊歌手大獎」時，他更說：「睇反應應該係小豬攞先啱喎！Anyway，多謝大家！」事後他解釋身體不適：「小豬佢冇望我嘛！佢叫後面嘅人跳之嘛！佢望我我一定跳。」提到張繼聰就被指「廢柴老公」發表聲明，Eason說：「我哋四個都分別回應過，根本冇呢件事，我冇乜唔開心感覺，最緊要係睇到依家台灣人強馬壯，香港唔好再有呢啲傳聞，咁樣會影響歌手嘅聲譽。」

全場合唱賀阿妹生日

另外，獨攬六個大獎的張惠妹壓軸表演，適逢前日生日，她不忘帶領全場大唱生日歌，場面溫馨！問到會否與男友慶祝？她顯得有點避忌說：「不能跟家人慶祝才最可惜。（送你禮物？）我收到了很多禮物，謝謝！」