米高積遜（MJ）的生前好友兼其子女的契爺麥里斯德，日前接受訪問時坦承是MJ女兒芭莉絲的生父！現年51歲的他表示當年捐精給MJ：「96年，MJ問我可唔可以捐精子畀佢？我就答應咗，我會當作為禮物畀佢，佢亦冇因此畀錢我，我好榮幸去做，因為我知佢好恨有仔女，我相信佢用過自己嘅精子生仔不果！我覺得同芭莉絲有特別嘅關係，我相信佢係我個女！」
為證明他是芭莉絲生父，麥里斯德願意接受DNA測試：「我依家先公開關係，因為我怕被斷絕同仔女嘅聯絡！」他表示自從MJ母親嘉芙蓮獲孫子女永久撫養權後，其來電及電郵都未獲回覆，令他心碎！擁有4名子女的他表示，現年15歲的女兒夏莉特的樣貌與芭莉絲甚似，二人同樣有雪白膚色及藍眼睛。