最近o靚模橫行無忌,一眾家長睇娛樂版時,都擔心子女睇到一啲性感o靚模嘅相同新聞,影響佢哋嘅道德價值觀。其中育有一子一女嘅型爆慈父苗僑偉(三哥)就向小小So大呻,除咗睇o靚模啲新聞睇到厭外,有一日睇娛樂版報道何鴻燊豪送各人兩層豪宅畀一對仔女時,三哥即時覺得汗顏。
小小So:三哥,你都可以豪送生日禮物畀你啲仔女,反正你咁錫佢哋?
三哥:我邊有咁本事!但我覺得報道會加深做父母嘅壓力,一陣對仔女睇完啲報道之後,可能會叫父母豪送生日禮物,例如名貴手錶、豪華房車等。
小小So:你對仔女要你送咩?
三哥:咁又唔係,佢哋都未生日,不過難保佢哋有咁嘅要求,小朋友未識賺錢,啲貴重禮物就唾手可得,會令佢哋唔識珍惜同為目標奮鬥。
小小So:做父母用心良苦,希望三哥對仔女明白啦!