本文重點
一向打扮有型有格的周麗淇（Niki）穿上紮染牛仔褲出席簽書會，形象指導Ricky Kwok（郭慶彬）指紮染圖案今季大熱，更即席教大家如何配襯紮染款式的衣服，並由Venus作出示範！
近日周麗淇穿上今季至潮的紮染牛仔褲出席簽書會，上身配襯白色Tee及黑色背心，形象指導Ricky Kwok大讚襯法有型格：「紮染褲可以令對腳顯得特別修長，我見過好多下身有啲肥嘅人着咗之後，視覺上即時拉長晒對腳！」
對於配襯紮染的方法，Ricky自有一番心得：「其實襯呢啲紮染牛仔褲，上身一定唔可以着啲好花巧嘅衫，因為會好亂，搞到人哋眼都花埋！所以一定要簡單啲，如果可以襯黑色西裝褸個感覺即刻Formal晒，嚟緊喺冬天都啱着！」
Ricky Kwok Profile
入行已8年的郭慶彬主力從事廣告形象指導，曾為樂基兒、熊黛林、林心如等執靚形象，又為鄭欣宜、張可頤等任形象設計，亦有在銅鑼灣開店，專售英國、日本時裝。