邵氏電影《LAUGHING GOR之變節》前晚舉行優先場，演員謝天華、陳法拉、呂慧儀及無綫高層樂易玲等亦有到場造勢。此乃陳法拉的電影處女作，問到對票房可有信心時？她非常識做地說：「同片嘅男演員個個都有票房保證，所以唔會擔心呢方面嘅問題。」談到片中的激吻戲時，她說：「今次係我銀幕上嘅初吻，之前都未試過。」她又自認保守：「我睇劇本時都嚇咗一跳！所以事前都同樂小姐同埋天華傾劇本傾咗好耐，因為我要主動去錫天華，好彩都係拍咗四Take就OK！」

呂慧儀低胸搶鏡

早前撞車的呂慧儀穿低胸連身裙亮相，搶去不少風頭，但她卻因車禍變得「硬頸」，現時出街亦會自備吹氣頸枕，同時獲樂易玲介紹看脊醫。另外，據知當晚優先場的售票情況不錯，難怪天華亦表示打了一支強心針。