外表酷似千金小姐的陳美詩（Macy），原來私底下是慳錢及環保專家！Macy表示由於自小已注意環保問題，所以十分關注慳電：「讀中學嘅時候，我有參加環保學會，耳濡目染之下覺得節省地球資源好重要！喺咁多樣資源裏面，我最着重慳電，我啲朋友仲成日笑我慳電慳到病態嘅地步。我規定自己日頭一定唔准開燈，就算陰天都好，我都盡量要自己六點之後先開燈，咁樣可以慳番好多資源同電費！如果我去朋友屋企玩，見到佢哋啲燈長開又冇人用嘅話，我都會第一時間幫手熄晒佢。」
Macy笑言為了慳電，平時在忍無可忍的情況下才會開冷氣，她說：「我瞓覺盡量都唔會開冷氣，我覺得啲人開冷氣冚棉被好嘥電，就算幾熱我最多都係開風扇瞓，因為夜晚冇太陽曬住，點都唔會好熱，而且心靜自然涼，個人瞓着咗，又點會覺得熱呢？」