據導演麥兆輝表示，在《竊聽風雲》多個取景場地當中，以片尾古天樂與王敏德在天橋飛車落海那段戲最難申請，他說：「Ending場戲嗰條斷橋係青沙大橋，我哋喺青衣島拍古仔打電話氹老婆嗰場戲時，發現到呢條橋，我諗如果依家唔拍，以後都拍唔番，因為條橋會連接埋，之後我哋就向路政署申請，交咗好多資料，出示埋Storyboard畀佢哋睇，大概用咗六個星期先申請到，到拍嗰時，有關方面都有派人落嚟現場睇。（監場？）嚟睇吓有咩可以幫到手咁啦！」

銅鑼灣竊聽 戲中主景—「天台」，位於銅鑼灣時代廣場附近。

航天城打Golf 吳彥祖陪外父打高爾夫球，地點是香港機場航天城高爾夫球場。

借景貪方便

除了斷橋景外，戲中張靜初屋企亦內有乾坤，麥兆輝說：「呢間屋係我同製片喺中環行人電梯附近發現，於是我哋按門鐘借景，應門嘅係一個韓國人，呢間屋望落好似村屋，其實係地下連一樓嘅複式單位，我對呢個景都好滿意。戲中劉青雲屋企就喺跑馬地警署對面嘅一條橫街，不過佢落樓攞車個停車場實景就喺牛頭角。（點解要青雲去到咁遠攞車？）冇特別原因，因為呢個停車場借景手續方便啲。」

牛頭角攞車 劉青雲戲中的屋企位於跑馬地，但停車場卻在牛頭角。

放大圖片