兩大o靚模Baby與周秀娜（Chrissie）前晚同場出席活動，兩派Fans分開左右對壘。Baby排場十足，獲多名保安護送兼壓軸到場，反而早到的Chrissie坐在觀眾席等上台，等到滴晒汗。問到會否覺得對方近日來勢洶洶？Baby突然用雙手做出弧形動作，揶揄對方一味靠身材：「我哋唔同類！佢來勢『胸胸』，我就賣樣多啲！（話自己靚女？）見仁見智！（羨慕佢身材好？）我得廿歲，身材啱自己年齡，可能我再度發育呢！」活動後，Baby被要求與Chrissie合照，但她聞言後未有行動，更被工作人員拉走。對於疑被拒合照，站在一旁的Chrissie即「有骨」地反擊：「可能佢太忙呢！趕住做嘢要走！」

不過，同場的日本人氣名模渡邊知夏子反撐Chrissie，讚她真人比上鏡靚，反指Baby貨不對辦，更暗指她樣貌不自然。

陳偉霆露點抗乳模

而Baby的緋聞男友陳偉霆（William）昨日為新碟舉行第二次簽唱會，吸引逾百名Fans捧場，大會還特別送上一個「空降Baby」給他。有指Baby在其音樂會上舉名牌是欲借緋聞造勢，他即代否認捧場是另有目的：「人哋嚟支持，唔好歪曲意思。」問到新碟銷量？William報喜說：「好過上一張，依家已經有金唱片數字。」他還透露新碟的半裸造型，竟變成「吸金武器」，原來不少商戶也想找他脫衣晒胸肌做騷，連他也自封為英皇賣肉最多的歌手：「o靚模都唔夠我性感，因為我可以露兩點！」