昨日，英皇為泳兒第六張大碟《多一點》在銅鑼灣鬧市舉行發布會，近百名歌迷在酷熱天氣下汗流浹背舉牌撐場，向來十分親民的她更無懼「鹹豬手」，毫無戒備下走進人群中，近距離向途人派發其造型紙扇。由於鄭融早前出席活動時被非禮，問她有否做好防狼措施時，她才恍然大悟說：「哎吔！我唔記得咗！大家啲手伸晒過嚟，我就不停派囉，我警覺性都算好低！」

大批途人見泳兒現身鬧市都大感驚奇，而坐巴士或電車的乘客也興奮地探頭出窗外揮手及大叫其名字，而泳兒亦禮貌地向乘客揮手。

白金銷量着泳衣

英皇行政總裁吳雨更即場宣布泳兒新碟推出不足兩星期，已達金唱片銷量，更與IFPI代表頒發金唱片給她，並抵死地說：「賣到白金數字就着熱褲示人！」泳兒笑說：「咁大犧牲？咁我試吓着一件頭泳衣，或者着熱褲加小背心，同吳雨大哥晒長腿。」