八模兵團其中四位成員A.Lin、Crystal、DaDa和Anjaylia，昨日到黃埔新天地時尚坊出席《UNO香港公開賽》活動，現場有數十名Fans在場打氣，其中A.Lin的Fans不斷大叫偶像的名字，要司儀梁慧恩作出勸喻。期間，玩遊戲落敗的A.Lin，要扮豬叫接受大懲罰，並扮得似模似樣！對於Fans在現場大叫，A.Lin直言感到不好意思：「最緊要唔好影響活動進度，都會叫工作人員幫手叫佢哋聽話啲。不過，佢哋真係好乖好聽話，今日仲有Fans特登整蛋糕我食。」
另外，DaDa得悉監製錢國偉及bma老闆羅傑承點名叫她參與電影版《南華夢飛翔》試鏡，感到十分開心：「信心一定有，依家拍戲拍上癮，好懷念之前背稿嘅日子。」而前晚她出席活動時，大讚同場的日本模特兒渡邊知夏子：「聽聞佢啲甫士係冇人可以做到。」Anjaylia則透露將入讀樹仁大學傳理系，笑言不排除將來當記者。
