陳奕迅（Eason）唔單只唱歌好聽，原來講故事都一樣動聽。話說有次佢同小小So打牙骹，傾吓傾吓個話題就去咗中年男人嘅煩惱「頭髮」上面，唔理佢有冇記錯，講嘅又係咪百分百事實，至少個古仔夠好聽。
Eason：上次見到大哥，佢同我講起佢代言嗰隻洗頭水，仲推薦埋我用添。
小小So：你啲頭髮都OK密呀。
Eason：唔係你估，大哥嗰次叫我試用，仲千叮萬囑我，叫我洗頭嗰時，洗還洗，千祈唔好畀啲水滴落個身度。
小小So：咩事呢，啲水對皮膚唔好？
Eason：你唔知嘞，大哥話「你洗完頭啲水滴落個胸度，個胸咪多兩撮頭髮囉」！
小小So：如果畀我喺現場親耳聽到，一定會叫佢一聲「大哥」！我想知你當時點反應？
Eason：你覺得呢？咁我咪即刻「動Ｌ」喇！