歐陽靖（MC Jin）早前在網上Rap了一首關於o靚模的歌曲《Normal》，點擊率高達近十萬人次，令他十分意外：「冇諗過咁多人留意，呢個只係我同朋友嘅無聊創作，十分鐘搞掂！」日前，本報邀請他與「E Cupo靚模」鍾蕙芝（Lavina）一齊做訪問，二人甫相遇即爆發火花，MC Jin笑說：「唔係要我抱住佢呀？」Lavina即反擊：「你肯我都唔肯啦！」二人合照時全程保持距離，Lavina投入地搔首弄姿，MC Jin則在旁搞搞震，十分搞笑！
對於外間的反模聲音，Lavina表示以平常心面對：「o靚模只係一班受注目嘅年輕Model，即使着得Sexy啲，都只係工作一部分。o靚模熱潮總有一日會過，好彩我一直唔覺得自己紅，所以將來都接受到。」在旁的MC Jin突然大聲叫：「講得好！」二人終有一致見解，他說：「冇人可以批評另一個人，色唔色情係每個人睇法唔同，當然年紀太輕做o靚模，就有商榷餘地。」
場地：Privacy