阿倫在剛推出的新碟《Mr. Tam再度感動》中，主動邀請多位香港音樂人合作，包括黃貫中、劉以達與鄧建明等，其中歌曲《Mr. Tam》由新進樂隊Mr.為他度身訂造，由同樣叫Alan的主音作曲、Dash作詞。阿倫對Mr.的作品讚不絕口，並說：「睇見佢哋，就覺得好有當年溫拿嘅影子，雖然經驗尚淺，但最緊要勤力，唔好怕蝕底，畀人睇到有進步，就代表你哋有誠意！」

不時提攜後輩的阿倫，對Mr.讚不絕口。	阿倫欽點Mr.合唱，令Mr.成員的父母感驕傲！	主音Alan與阿倫同名，分外有親切感。

父母最開心

Mr.表示能夠跟樂壇校長合作感到非常榮幸，主音Alan指五子的父母都是阿倫的超級歌迷，所以對他的歌曲耳熟能詳：「首歌係我哋作畀校長嘅，希望歌頌佢嘅樂壇成就，但校長覺得感覺怪怪哋，於是叫埋我哋合唱，真係發夢都估唔到可以同阿倫合唱！」填詞的Dash笑言，最開心是他們的父母：「佢哋冇諗過自己個仔會作歌、寫詞畀阿倫唱，即刻覺得好驕傲，可能比我哋攞獎仲開心！」