本文重點
擁有功夫底子的詩雅，在新片大派用場，拍攝一場掌摑洪卓立的戲份時更相當逼真，連摑十次也面不改容，相反洪卓立卻被摑至雙頰紅腫，認真慘情！
洪卓立、詩雅及陳家樂主演英皇電影《很想和你在一起》，片中大玩三角戀，詩雅雖然與兩男談情，但大部分親密鏡頭都由洪卓立孭飛，家樂最多只輕攬詩雅的腰部，不過洪卓立也並非享盡溫柔鄉，在一場示愛戲中，更被對方狠摑十次。
身為大師兄的洪卓立，拍攝前叫詩雅不用留手，還要保持嬲爆情緒，怎料師妹埋位時，二話不說便狂摑他，眼見對方雙頰被摑至紅腫也未有停手，直至摑到第十次導演才收貨，洪卓立說：「頭先差啲想叫詩雅手下留情，不過諗到既然要打就要逼真，估唔到佢咁狠！完全感受到佢掌功有幾深，學慣拳果然係唔同啲！」
回憶舊情喊唔停
而詩雅眼見師兄傷勢嚴重，亦感不好意思：「我都唔知要摑佢咁多巴先收貨，可能我打得唔夠逼真！其實我都唔好受，要表現出畀人呃感情嘅情緒，加上拍嗰時角色牽動到以前嘅愛情經歷，一時感觸就喊到收唔到聲，對眼腫到要即刻敷冰紓緩。」