身為有線第一代娛樂主播的余思敏、衞志豪及鄭文，經過6年努力，努力將娛樂主播這個行業發揚光大！今年全球經濟復甦，加上o靚模風氣持續，相信不少有志入行的生力軍，或想借做主播入行，衞志豪奉勸大家做主播要捱得苦：「雖然係有機會出鏡，不過要同記者一樣捱得苦，完全唔係嚟做o靚模o架！」至於余思敏則說：「如果有人想以做偶像或做明星嘅心態入行，咁就唔好浪費時間喇！因為過去6年中，我見過唔少打退堂鼓離開嘅人！」

鄭文爆戰友怪癖

新一屆大招募在即，他們回想起03年沙士肆虐，大家都戴上口罩到有線電視面試，再一起接受訓練，至今已各自成為可獨當一面的主播，同事之間更建立深厚的感情。鄭文坦言見同事多過見家人：「我對每個人嘅習慣都好熟，好似衞志豪一定要食飯，無論打邊爐或燒嘢食都要叫碗白飯，好搞笑！」