年僅19歲、加入模特兒界只有半年的Pamela，早前為婚紗店拍攝硬照，大賣可愛靚樣。頻頻接Job的她表示，入行初期不習慣娛樂圈的工作時間，但經過半年「特訓」後已漸漸適應：「公司覺得我個樣都幾有日本Feel，我想行日本妹路線，我都幾鍾意呢個Image！（係咪想模仿傅穎？）我唔想抄啲模仿人嘅藝人，如果要模仿，都模仿日本明星啦！」對於被稱「　版恭子」，她謙稱不及恭子完美，但對此稱號感到相當開心！

Pamela對於被指酷似深田恭子感開心，但謙稱不及對方完美。	Pamela希望有機會拍電影，令演藝工作更豐富。	樣子可愛的Pamela，希望走日本妹路線。

欣賞古天樂夠型

問她憑甚麼在　模界突圍時，Pamela說：「我個樣都幾可愛，而且性格樂觀同健談，但係唔夠高囉！仲有可以再Keep Fit啲！」她又希望將來能拍攝電影，問到最欣賞哪位演員時，她說：「古天樂！佢真係好有型同有性格，仲有我差唔多睇晒佢拍嘅戲，覺得佢做得好好！」

要在娛樂圈上位，除了樣貌出眾外，身材亦不可忽視，問她對身材有何評價時，她說：「我其實冇咩身材！不過我覺得都可以，胸大反而着衫冇咁好睇，又麻煩！」

視Rainbow為目標

事業剛起步的Pamela坦言，希望發展如師姐Rainbow般成功。此外，向來喜歡上載生活照到Blog上的她，近日已上載拍攝婚紗店廣告的照片與Fans分享。

網址：http://jacso.hk/pamelacheung

Profile

姓名：張穎沁（Pamela）

年齡：19歲

身高：165cm

體重：43kg

三圍：32A、24、33

興趣：游泳、唱歌、畫畫

公司：HK Model House