佘詩曼及黃子華昨日宣傳新劇《絕代商驕》，提到早前遭鄭嘉穎趕落車一事，阿佘力撐對方說：「嘉穎係個好有風度嘅人，唔會做啲咁嘅事！依家我幫佢澄清咗就算喇！（地上定地下情？）地上地下都係周刊講，我哋係好朋友！」但她承認嘉穎曾駕車接送，但強調只是偶然。她更向即將開騷的黃子華攞飛，但被子華取笑等錢使：「每日問我拎四張飛仲唔係！」他並表示未來兩年不會再拍劇，問到是否籌備婚禮，他說：「結婚用半日就夠，不過我依家冇計劃。」
另外，鄭嘉穎日前拍攝銀行廣告時，透露有意置業，問到是否買樓娶妻，他說：「遲啲先諗點用。（夠老婆本？）呢啲豐儉由人。」對於新劇的出浴鏡頭在網上熱播，並有男同志大讚身材弗，他表示有人支持就開心。