羅天宇、DaDa、郭穎橋及陳蕊蕊等一班年輕演員，前晚出席在酒店泳池舉行的《南華夢飛翔》首映禮，可惜因天雨關係取消下水慶祝，改為水槍大戰。監製刻意安排男演員孭女演員分組玩水槍戰，並把緋聞男女DaDa及羅天宇分成一組，令這對戲中兄妹感到愕然！

羅天宇坦言預了緋聞被擺上枱：「食過一次飯，就足以致命。（玩遊戲時DaDa胸壓你喎？）感覺唔到喎！我有避忌，隔開咗少少。（佢係咪你鍾意嘅類型？）要相處過至知，上次畀人影完即刻走，好突然。」當記者告之DaDa表示他們只是朋友，他難掩失望之情：「係呀！」

郭穎橋玩遊戲時，樂極忘形！	陳蕊蕊整理衣服時，盡騷豐滿上圍。	陳蕊蕊

不介意緋聞被玩

至於DaDa亦不介意緋聞被玩，她說：「冇乜所謂，愕然係因為換咗羅天宇孭。（有乜感覺？）我冇乜感覺，都係朋友啫！（吸唔吸引到你？）成隊都吸引到我。（身體接觸有冇尷尬？）冇！朋友玩遊戲好正常啫！」談到何超儀批評o靚模，DaDa即劃清界線，強調自己是藝能模特兒。