前晚《夏日國際電影節2009》開幕，杜琪峯首部外語片《復仇》成開幕電影。杜琪峯率黃秋生、任達華、葉璇和邵美琪等《復仇》演員出席開幕禮，杜琪峯直言香港天王巨星牢騷多，Johnny Hallyday則沒有這種情況：「我講咗都唔知自己講乜，不過對比Johnny嚟講，佢喺歐洲好出名，紅足五十幾年，人哋嘅容忍度比香港啲天王巨星高好多。」問他是否跟港星合作經常受氣？杜琪峯說：「每個人情緒時時都唔同，好似周星馳有時都好友善o架！」
另外，Johnny日前在法國度假時發生意外，據外國消息指，他在遊艇玩時弄致臀部脫骹，要送院接受手術，傷勢未知，但影響他即將舉行為期兩年的告別演唱會，最後可能演出無期。
