泳兒昨日出席車身內外黐滿其肖像的巴士啟動禮，吸引數十歌迷捧場，她透露新碟反應理想，首批定單直逼金唱片銷量，身旁的經理人霍汶希表示，公司花了七位數為新碟造勢，泳兒感激公司支持：「真係有壓力，不過有信心可以幫公司搵得番。」
由於巴士車身內外全是其肖像，問到會否擔心引人犯罪？她說：「遐想就OK，其他控制唔到。錫我幾啖囉！任錫，因為唔係真人。（有冇諗過出攬枕？）冇。」她又透露近日積極學泰拳：「鍛煉，唔好畀人覺得咁柔弱，當係防狼，以備不時之需。」對於有傳她榮升英皇一姐，泳兒強調容祖兒才是一姐：「我同佢嘅地位仲差好遠，佢係我學習對象，報道出咗都擔心影響友誼，相信祖兒明白事理，所以冇解釋。」
