着低腰內褲會令肚腩鬆弛,但胡琳為了一個靚字,惟有多做運動力保身段;雖然已經「大個女」,但她不開心時仍會着海綿公仔卡通Under,氹自己一笑。
衣着篇
問:鍾意着T-back、高腰定低腰內褲?
胡:低腰,雖然有人話長期着低腰褲肚腩會鬆,但睇落條腰會瘦啲。
問:着內褲會喜歡淨色、卡通圖案、喱士、豹紋定花花?
胡:睇心情,唔開心時着卡通海綿公仔激勵自己,想有自信時就着喱士。
解碼:女士通常喜歡着低腰Under,以免凸出內褲邊咁娘,但為防肚腩鬆弛問題,胡琳會多做運動Keep Fit。
購物篇
問:你係咪購物狂?
胡:以前係,好多衫到依家連名牌都未拆,但睇咗電影《潮拜購物狂》之後,我就收斂咗好多。
問:Shopping嘅時候最多試過使幾多錢?係買咗啲咩?
胡:無聊嘢都買,試過一次買20幾件內衣褲,好多重複款但唔同色。
問:最貴一件名牌幾多錢?
胡:初出道攞新人獎冇乜贊助,就用萬幾蚊買咗條裙,因為條裙係超級Push Up,好似《滿城盡帶黃金甲》套戲啲衫咁,所以只着過一次,但好有紀念性。
解碼:女人是天生購物狂,胡琳表示購下不少衫仍未着過,款式睇怕都已過時,幸好她瘋狂購下的二十多件內衣褲不怕過時,事關着在裏面常人不會看到!
旅遊篇
問:旅行鍾意跟團定自由行?
胡:梗係自由行,跟團又唔知有乜團友,好驚成架巴士喺度等,跟住有個伯伯姍姍來遲,仲話:「吓,原來個個喺度!」
問:去旅行鍾意影風景定玩自拍?
胡:影景多啲,就算自己鍾意留倩影,但不停咁自拍好老土,旅行意義係遊歷,應該影景色多啲。
解碼:依家霸晒娛樂版版位嘅o靚模都係靠自拍上位,胡琳唔鍾意自拍真係蝕底,佢應該改變方針,唔係點爭版位呢?
遊戲篇
問:鍾唔鍾意玩智力遊戲?係咩類型嘅智力遊戲?
胡:唔鍾意,因為我反應慢,畀人話低能兒。
解碼:每次遇到朋友提議玩智力遊戲,自認低能的胡琳惟有扮鴕鳥,自稱有其他事忙,獨個兒坐在一旁扮忙,認真鬼馬!