舒淇、郭富城與鄒兆龍前晚拍攝電影《全城戒備》，劇情講述舒淇駕駛貨車撞向變形人鄒兆龍，但對方竟一手舉起貨車然後放回地面，嚇得舒淇在車內尖叫！當貨車着地一刻，舒淇被拋了幾下，導演陳木勝一直表現緊張，更在車頭到實，幸好該鏡頭一Take過完成。

放大圖片	城城提早到場為舒淇打氣，認真唔話得！

城城「變種」皮膚敏感

至於城城原定凌晨時分才拍攝，但提早到場探班，為舒淇打氣，他剛從台灣返港，未有特別休息便繼續開工。戲中他有不少危險動作鏡頭，為求真實都會親身上陣，他表示最危險的一幕早幾天已拍完，算是一個新嘗試！城城又透露會變成有超能力的「變種人」，但特技化妝令他皮膚敏感：「第一日化嗰陣已經唔得，嗰日三十幾度，化咗十二個鐘已經好痕，要睇醫生打針同食藥，我反而戥鄒兆龍慘，成日都要化呢個妝，我有介紹醫生畀佢，戲外佢有教我功夫，大家變咗好朋友。」

首次與鄒兆龍合作，城城坦言感覺很好：「本來佢有幾個劇本可以揀，但一聽到係同我合作，就專登由美國飛返嚟同我拍，我嘅音樂係由台灣回流返港，都算半個台灣人，而舒淇同鄒兆龍都係台灣人，所以大家分外投契！」