昨日是徐子淇誕下細女後首度公開露面，她以「智行基金慈善大使」身份出席《雪花秀Spa全球首間水療旗艦店開幕》暨「智行基金會」慈善義賣，嘉賓還有林峯、明美連及明肇豐等。

「千億新抱」徐子淇冒3號風球出席慈善活動，獲多名工作人員護駕。	徐子淇（左）與林峯（右）為慈善活動擔任嘉賓，出心又出力。	已是兩女之母的徐子淇（左）依然貪靚，對護膚甚有心得。

希望生夠四個

子淇身穿DVF連身裙現身，明顯收身不少，她說：「我冇刻意減肥，仲爭十磅，我坐緊月，要坐三個月。我好鍾意坐月，因為有好多嘢食，要好好補身。」她表示誕下第一胎後不聽話，又吃快餐又吃雪糕，第二胎則很乖。問到養好身子是否為下一胎做準備，她說：「我想盡快有！（老公李家誠努力緊？）我哋想快啲有，但醫生話最少隔一年，因為需要時間復原，惟有乖乖哋慢慢嚟，我真係好鍾意生BB！（聽老爺話生落去？）我想生四個，但要隨緣。」問到細女取名晞兒（Hayley）是否寓意希望生仔，她說：「有兩個女，都想下一胎係仔。」她還自爆收到不少生仔秘方：「係匿名信，叫我食多啲鹼性嘢。（有冇試？）都係圍繞呢啲。（老公都配合？）佢OK。」

子淇透露細女兩個月大已重15磅，要穿姊姊一歲時的衣服，而樣子則像父親，她還透露將於下星期為細女舉行「發實宴」，她說：「大女有細女都有，唔係就唔公平，一日請朋友，一日請屋企人。（老公有冇送珠寶？）BB已經係最珍貴，生仔唔係為禮物，係建立一個家庭。」

恐囡囡過度曝光

談及早前遺失USB手指，子淇指裏面只有生活照：「只係擔心囡囡，唔想佢哋見報太多，可能發生陳冠希事件，啲人執到都知唔可以放上網，否則違法。（有冇炒個保安？）冇，留番畀公司處理，每個人都有錯，佢唔係有心攞出去。（日後小心處理？）我電腦好差，通常畀助手整，依家要學，仲要買埋印相機。」