胡敏珊（Christie）昨日以大露背裝出席活動，對於o靚模近日被圍剿，她力撐Angelababy：「我之前搵Angelababy拍廣告係挑選過。（佢本寫真唔及其他人性感？）我冇睇過其他，佢嗰本好靚，有啲嘢唔需要直撼。」但她亦大讚周秀娜推出人形攬枕「很絕」，她說：「諗到條橋嗰個人好絕，好佩服佢諗得到。」她笑言有意效法，推出獨一無二攬枕送給緋聞男友龐維仁：「有諗過整番個。（唔着衫？）如果佢鍾意你，着咩都會攬。」問到與對方的感情？她避而不談：「舊聞啦！我依家忙緊分店嘅嘢。（冇時間拍拖？）做男朋友就要包容我呢樣嘢。」