周秀娜(Chrissie)揚言樂做男性的性幻想對象,戴夢夢和趙碩之加入「剿娜」行列,夢夢說:「就算係都唔係自己講出嚟,佢好似好清晰自己嘅路線!性幻想應該留畀老公同男友而唔係大眾,如果我咁講,我嘅男友會幾唔開心,佢好搏、好專業,但始終係女仔,女藝人應錫自己。」碩之覺得Chrissie的言論過火:「如果係我男友會幾唔開心,我介意做性幻想對象,受歡迎是一件事!」
而以大熱姿態奪動漫節Image Girl選舉冠軍的曹卓榣,則不接受成為性幻想對象:「絕對介意,接受唔到,我只得17歲,就算幾多歲我都唔得!」今天會考放榜的她,對升學信心十足。此外,在某親子討論區,亦有媽咪級的網友叫Chrissie「不要侮辱正經女人」!
但「撐娜」的美味天使「藍莓」劉俐說:「佢咁講又冇乜錯,當然咁唔係代表全部女性,佢接受就OK。」「春卷」王宝宝則說:「人哋嘅事我唔會回應,但唔可以阻止佢點諗!」很多網友也欣賞Chrissie率直性格。