由Angelababy（楊穎）及Janice Man（文詠珊）一手炒熱的o靚模熱潮，造就不少面孔甜美、身材嬌小的模特兒有機闖娛樂圈，但隨着Kama（羅凱珊）、周秀娜（Chrissie）及Lavina（鍾蕙芝）等人將o靚模熱潮「發揚光大」，圈中亦響起不少反對聲音，連我行我素的何超儀，日前亦在網上爆粗狠批她們「是沒有衣服穿的模特兒…」，更以狠辣形容詞加以抨擊！

Angelababy與男Fans頭貼頭合照，十分親民。	Angelababy（中）身高雖不及汪圓圓（左）和陳碧舸，但以甜美笑容搶鏡。	雖然風球高掛，但不少Fans仍現身支持Baby。

對於o靚模成狠批對象，o靚模始祖Baby亦不屑為伍，昨日她與同門師姐妹汪圓圓及陳碧舸出席《海港城全新「買鞋篇」電視廣告首播會》，三人為鞋騷行Catwalk，席間還播放Baby的廣告。當Baby驚聞何超儀的超激言論，她即與「o靚模」二字劃清界線，她說：「我諗佢唔係講緊我，佢話啲模好性感，我都唔係走性感路線。（係咪要同o靚模劃清界線？）名同稱呼都係人哋畀，我一路以嚟都係做好自己，做對得住自己嘅工作。聽到呢啲言論唔會有咩感覺，我從來冇做過令人反感嘅嘢！」

唔擔心遭博懵

對於勁敵Chrissie推出人形攬枕成全城熱話，Baby即表示不會推出同類產品：「我唔想咁做，之前我都有出過印咗我個樣嘅水杯，倒熱水入去可以見到我個樣。」雖然不欲再與「o靚模」扯上關係，不過Baby仍力撐同行：「其實有時唔關啲o靚模事，係傳媒放大咗，希望香港多番啲正面嘢。」昨日Baby還舉行簽名會答謝Fans，雖然風球高掛，但仍無損Fans熱情，現場一早擠滿逾百名Fans排隊等候。雖然近日先後有女藝人在公眾場所被非禮，但Baby表示不擔心：「啲Fans會睇住我，而且大會有保安，相信唔會有狂迷搞事。」

近日Baby忙個不停，除了經常穿梭港、日兩地外，稍後還要到北京拍戲，但她不願透露詳情，更自爆生病轉移視線：「係時裝造型，其實我今日好病，知道今個月冇得放假好灰，想休息吓養病。」