好似佢早排嚟香港宣傳演唱會，為咗「慰勞」一班幫佢做宣傳嘅香港同事同傳媒朋友，專登喺台灣帶咗幾箱曲奇餅嚟香港請傳媒食，仲每人送兩大盒做「手信」，等啲記者可以帶返公司請嚟唔到做訪問嘅記者食。阿哲仲慌死小小So唔記得食，入到酒店房等做訪問時，即刻叫助手拎餅畀記者試，雖然阿哲係小小意思，但小小So同行家都覺得好心甜、好受尊重。

同阿哲傾開閒偈，問佢啲餅喺邊度買，佢話其實係佢間台灣餐廳嘅出品，聽到小小So讚好味，佢即刻話下次帶埋朱古力嚟香港請記者食，不過，佢暫時冇意思喺香港開分店，一來冇時間兼顧，二來覺得開餐廳唔係為賺錢，所以唔使咁搏！