本地著名服裝連鎖店I.T旗下品牌IZZUE，前晚假上海新天地旗艦店舉行《09秋冬時裝騷》，陳柏霖與女友Mandy Lieu拍拖捧場，不過見Mandy行路一拐一拐，原來她四日前在青島酒店房內仆親：「當時成個人跪低好痛！仲以為冇咩事，點知隻腳腫晒去睇醫生，一個星期後可以拆石膏，右腳就嚴重啲，有啲骨碎，我之前試過整親右腳，係舊患所以今次會咁傷！」
而柏霖坦言十分心疼，全程拖實女友細心呵護，Mandy表示柏霖一向視她如女王般看待，而柏霖亦十分識做說：「我同平時一樣咁照顧佢，佢有冇事我都係咁對佢！」氹得Mandy甜笑。
