昨日，Kenny、軒仔及張致恒（Steven）出席活動為「生命熱線」籌款，軒仔以嘉賓身份打頭陣獻唱，吸引大批觀眾拍照，場面熱鬧。軒仔表示不知與Kenny同場，亦不介意成為焦點，對於被封「密友」，他說：「冇乜所謂！反而因為緋聞多咗人搵我哋做騷！（暗示你哋斷背？）娛樂新聞啫！」提到何韻詩早前承認「同性戀」，軒仔說：「我有睇過佢段片，當時玩緊遊戲，所以冇經大腦講咗出嚟，亦唔係認真去答！」

計劃出寫真晒排骨

而Kenny於軒仔離開五分鐘後才現身，他表示到場後才得知與軒仔同場：「見到個布景板有佢個樣先知！」對於早前被拍得與軒仔「撐枱腳」，他表示與軒仔保持聯絡及經常聚會，而Steven說：「係呀，我都有同佢哋食過飯！」

此外，軒仔有感嫩模的性感寫真在書展大賣，有意明年推出寫真分一杯羹：「我咁瘦，一於出本『骨模』寫真，隨書附送一條排骨！」