昨日傅穎(Theresa)着貼身短裙出席《真.拳皇大會揭幕禮》,成為電玩比賽的廣告女主角,更晒長腿與粉絲玩格鬥遊戲,不讓在動漫節搶鏡的o靚模專美。她自言小時候愛玩格鬥電玩遊戲,常與家姐及細佬玩打交遊戲:「呢種遊戲有助發洩情緒,唔會真打傷害到人,唔係主張暴力!」
對於周秀娜的人形咕熱賣,Theresa大讚構思好,但無意跟風:「我淨係有1比1人形紙牌,咕就未有Idea!(意識不良?)日本已經有,冇乜嘢!我瞓覺都鍾意有好多咕圍住,但唔會攬住!」對於再有藝人遭非禮,她呼籲市民要克制:「藝人為咗靚,性感啲無可避免!若遇到怪手,我一定反抗,但唔會打佢,打佢會掂到佢,會尖叫搵人幫手!」她又否認患子宮頸癌。