02/08/2009

播放本新聞相關短片

Lavina重讀攞14分揮抵Chrissie

本文重點
兩位Big 爆o靚模周秀娜(Chrissie)和鍾蕙芝(Lavina)論Cup數不相上下,但昨日有網友將藝人會考成績公開,只得6分的Chrissie明顯不及取得14分的Lavina,但Chrissie無悔當年成績差,還寄語會考生要朝着目標進發!

會考即將放榜(8月5日),昨日有網友為緩和會考生的緊張心情,將近百位o靚模及藝人的會考成績公開,並將兩位「咪神」Chrissie及Lavina的分數大比併!結果Lavina以14分大比數拋離只得6分的Chrissie,報讀文科的Chrissie坦承當年沒有用心讀書,更籲大家勿倣效:「冇乜後悔!讀書唔係人生嘅全部,只係一部分!成績唔好唔緊要,最緊要知自己興趣喺邊,堅持理想朝住目標進發!」

JM與Kama同奪兩分

至於自稱「食腦」的趙碩之亦只得5分,傳聞Janice Man及Kama更只得2分。經常被指博出位的Lavina,當年報考商科時有14分。她透露雖然是重讀生,但有志者事竟成:「其實我第一年得8分,重讀後先有14分!我覺得大家標籤咗o靚模都係讀書唔成,希望自己成為正面教材!」至於今年成功入讀樹仁新聞系的陳嘉寶(Anjaylia)會考時更有18分,中文及英文更分別獲得A級和B級的好成績:「呢個分數唔介意畀人知,有啲o靚模好早輟學,但自己以學業為先!希望會考生唔好畀咁大壓力自己,就算一時失手咪下年再努力過!」而「o靚界女神」Angelababy亦有13分的成績。

另外,最近被指「扮才女」的鄧麗欣(Stephy),有傳中文會考只得1分,但網友就指其會考成績與宿敵傅穎和緋聞男友方申同得12分,相當有緣。而謝安琪(Kay)和老公張繼聰經常被指身份及地位懸殊,想不到連會考成績亦相距甚遠,Kay取得高分21分,但老公張繼聰則只得5分,但未經他們證實。

邊個港姐最靚?立即投票!
詳情瀏覽on.cc《香港小姐2009》

專案組