02/08/2009

播放本新聞相關短片

周秀娜穩守凸擊

懷璧其罪?擁有32D強大「胸」器的周秀娜(Chrissie),最近就繼胡心諾(Rainbow)及鍾蕙芝(Lavina)後,成為新一個被反o靚模目標。對於早前一眾反o靚模群眾誓言把o靚模趕出書展,並指周秀娜的咕「教壞細路」,Chrissie認為其實他們並非「真心反」:「其實佢哋只係一班愛書之人,希望個書展唔好咁多商業單位,令到個書展產生混亂,我覺得佢哋未至於要『反o靚模』,只係畀大家放大咗。」她坦言其實自己都很喜歡書展。

批評意料中事

至於自己成了反o靚模的新目標,Chrissie笑言未有太大感覺,反而當做宣傳,她說:「今個月用咗好多時間做宣傳谷寫真,同咗好多唔同媒體做訪問,而唔同媒體對訪問都會有唔同嘅包裝方法,其實好多嘢可以話係意料中事。」Chrissie坦言出寫真的目的是希望娛樂大家,亦唔會期望大家可以從中學習到甚麼,只是希望在分享自己的成長過程中,令大家得到娛樂,而對於反o靚模群眾,她笑說:「好多謝佢哋幫我宣傳!」

近期不少人都對o靚模感到不滿,認為她們搬弄是非博上位,拋胸賣肉為見報,對於其他o靚模Chrissie不予置評:「其實以我嘅小小位置,都係做好自己啲嘢先,無資格話其他人,但我會用行動證明我係有實力做好自己嘅工作。」但對於被指賣弄色情,在寫真中食雪糕、刷牙等作極度誘惑甫士惹人遐想,又大賣人形性感咕,Chrissie卻不以為然,她認為性感與否非由自己界定,而是由看照片的人界定。不過她強調每次拍攝之前,都會與攝影師花很多時間溝通,希望拍出大家期待的效果,更會提出意見:「但始終都會有唔鍾意我同我嘅相,咁都冇辦法。」

學演戲自我增值

忙完一輪宣傳後,Chrissie會為自己定下一些新目標,她說:「我希望之後可以參與更多電影工作,同接更多方面嘅工作,例如到外地行騷或者拍戲,我都好有興趣。」其實現時她亦不斷裝備自己,不停修讀一些演戲的課程:「希望到時可以將學到嘅嘢,喺大銀幕度畀大家睇到。」Chrissie雖不抗拒被劃入o靚模之列,但就絕非反o靚模人士口中那些膚淺、博出位、搞是非的無知少女,或許不久將來,她能為「o靚模」這名詞作新的詮釋。

何謂「o靚」?

Baby:「意思是解後生,啱啱入行,以前我覺得係解作為平面模特兒,因為年紀輕,身高唔係標準模特兒,但依家好似多咗解係性感。」

Chrissie:「一開始聽,覺得好似有少少唔正面,因為聽開人叫『o靚仔』同埋『o靚妹』,我今年都廿四歲,但可能依家係新人都咁叫,可以更注目,所以都唔抗拒。」

邊個港姐最靚?立即投票!
詳情瀏覽on.cc《香港小姐2009》