詹瑞文昨日以「露波娜」造型拍攝十月舞台劇海報，期間又模仿周秀娜寫真集內的刷牙甫士，十分搞笑。對於周秀娜推出人形攬枕，他嘲諷地說：「咁我咪出人形攬『冚』，畀人兜巴冚，都係唔同嘅發洩方法啫！」他又質疑有13歲學生買攬枕一事是有人「刻意安排」，而曾志偉則笑說：「呢啲咪細路仔唔識嘢。」另外，問森美的囝囝有否要求買周秀娜人形攬枕？他指囝囝只有五歲，寧願買變形金剛。至於周汶錡接受電台訪問時，更直指o靚模並非正統模特兒，認為模特兒不會刻意性感，批評o靚模的性感程度已過火位！