謝安琪前晚出席音樂劇《蝶》的慈善首演禮，她笑言雖然因工作未能撐老公音樂會，但早已被迫看了數百次綵排片段，更大讚老公大隻：「好有安全感，好似咩都唔使擔心咁！」昨日Kay再到電台接受訪問，再度力讚老公「愛的紋身」設計美觀：「佢係想表達對屋企人嘅溫情！之前佢都有話過想紋，但紋之前冇同我講，係一個驚喜！」她坦言初時看到紋身的範圍感錯愕，以為只是紋身貼紙，但自己則無意紋情侶圖案。她又表示Louis紋身多年，認為這是他表達愛的方式，更透露老公做過很多溫馨事：「我間中都有做，不過冇講！」

Juno（右）與張繼聰施展渾身解數，令演唱會氣氛高漲。

張繼聰在音樂會上除了大騷肌肉外，還首次露出「KJAMES」紋身。

高呼愛「情敵」

Louis與麥浚龍（Juno）前晚在《拉闊音樂擂台－第二場》上，大方晒右手代表Kay及兒子張贍（James）的「KJAMES」紋身，他表示早前並非刻意隱藏紋身，留待舉行音樂會時製造話題，只是因應場合遮掩紋身以示尊重：「個紋身上年10月已經有，當時仲同Juno做緊碟！」身旁的Juno亦表示可為老友做證。對於近日頻傳婚變，Louis笑言「寫快啲」：「不如話我死咗，之後再問番我感受！」他更大方地表示欣賞「情敵」陳奕迅：「我好鍾意陳奕迅，比我老婆更鍾意佢！」