對簡單的童年生活，陶大宇倒是很懷念，因為人長大了，思想變得複雜，隨而衍生煩惱。大宇在家中排最細，哥哥、家姐都很愛錫他，當然爸爸、媽媽都錫，但印象中，大宇覺得爸爸很惡，對他很嚴厲，所以青春期的傾訴對象反而是媽媽，猶幸大宇並沒因此變得「娘娘腔」或是「裙腳仔」。

大宇最愛這張笑得天真無邪的舊照。	十多廿歲的大宇已考入無綫藝員訓練班。	放大圖片

慶幸冇學壞

青春期的反叛，大宇不算嚴重，最激都是打波搞到撞爆嘴唇和眼角，怕告知父母換來禁止打波的懲罰，當時只得十三、四歲的大宇，便膽粗粗自己去醫院求診。大宇說：「嗰時邊有查咁多嘢，連身份證都唔使帶出街，我傷晒咁行入急症室，淨係話：『姑娘，幫我縫針吖！』咁就縫咗啦！又唔使錢，但返到屋企隱瞞唔到，都有畀阿媽鬧，抖幾日當罰我囉！好番咪又去打過！不過好慶幸，我雖然成日走去球場同啲陌生人打波，但冇學壞過，當年我群嘅人都好純，就算讀書都唔會話拍拖，個個都好單純，淨係一齊玩，冇任何私心，所以我好懷念呢個感覺。」