本文重點
何超盈、超雲及陳柏熹等名人二代，前晚應邀出席由I.T舉辦的Tsumori Chisato時裝騷。對於唐貝詩單方面表示與超盈感情轉淡，超盈說：「唔係朋友好耐！唔係真係咁好朋友！（同緋聞男友Edwin有關？）係性格問題，你問番佢！大家唔熟，只係有共同朋友！」問到有否被唐貝詩出賣時，她說：「差唔多啦！」記者致電唐貝詩求證，但至截稿前仍未回覆。
而超雲則大讚超盈的男友Greg為人斯文。問到會否介紹男仔給超雲時，超盈說：「係呀！要呼籲吓，家姐咁高，要介紹靚仔同埋高人畀佢！」提到二手時裝店，超雲表示會在蘭桂坊一帶選址：「爹哋話改名做銷魂閣，聽到真係暈呀！」
何鴻燊入院睇醫生
另外，昨日有指何鴻燊入院，記者致電四太梁安琪了解，她說：「佢去醫院睇醫生，上次件事（07年因通便而導致直腸壁受傷）之後，嗰個地方冇咁好，依家細菌好犀利要治療！」而超盈於五時現身醫院，她否認探望父親：「我唔舒服，嚟打女仔針！」其後逗留半小時離去。