羅凱珊（Kama）昨日聯同「八模兵團」的DaDa及A.Lin以Cosplay造型出席動漫展，不過她們的打扮不及同場的10位Cosplay女模性感，其中以擁有35D上圍的06年落選港姐黃瑩最為性感，雙峰險奪衣而出！問到為何打扮如此密實？Kama坦言服裝由大會提供，不介意被搶鏡：「我唔需要，安全重要啲。（怕唔怕鹹豬手？）盡量保護自己，身邊有工作人員。」提到Melody被摸Pat，她即時「吓！」了一聲，問到如何防狼？她說：「我會雙手護胸，留意身邊嘅人，一個人唔會周圍去。」她表示有留意周秀娜推出噴血人形攬枕，問到會否幫襯？她笑說：「啱男仔多啲，女仔要攬靚仔。（你冇出精品蝕底？）唔會！各有各方式。（唔出攬枕？）冇呢個意思。（畀人攬好怪？）只係從來冇諗過出。」有指人形攬枕與吹氣公仔無異，她認為兩者不同，亦不覺意識不良。
至於黃瑩同樣表示服裝由大會安排，並自豪地說：「佢哋覺得我Carry到呢啲衫。（有冇人叫你拍寫真？）暫時未有，我都想。（性感底線？）遮晒三點！唔會影裸照，大肚嗰啲就OK。」她稱已簽唱片公司，將與其他模特兒組成五人組合，現忙於練習唱歌及跳舞。