昨日Melody出席《動漫女神MV首播禮》前被人非禮，接受完訪問後，她與同公司的師姐趙碩之、戴夢夢及Yumi一起影大合照，當記者叫眾人安慰Melody時，只有Yumi率先上前送抱，而趙碩之及夢夢竟然冇反應兼偷笑！對於Lavina退選動漫節Image Girl，更指擔任評判的夢夢未夠班，夢夢說：「話分Level同Grade係佢哋講先，件事唔係我哋撩先，我哋有自己立場，啲人冇資格批評。（有人博宣傳？）我哋冇講過。」她表示因近期工作，包括拍《動漫女神》MV等而爆壓力瘡：「又唱快歌又跳勁舞，好緊張，早前去澳門做騷仲甩嘴添！（MV入面衣着性感？）會有露背同騷腿囉！」