劉欣宜、胡心諾（Rainbow）及勞詠君（Tian）等昨日以天使造型出席Sony舉行的「《夏之盛放》寫真慈善版天使襲動漫」活動，百多名Fans圍住百餘呎的攤檔，場面混亂。為保護女仔安全，大會派五名保安及工作人員以人鏈式開路及為每人投保一百萬元，難怪E Cup Baby十分放心：「唔怕混亂，保安人員保護得我哋好好，大會仲幫我哋投保五百萬以策安全！啲Fans唔係好擠擁啫！佢哋仲幫手保護我哋！」而Sony方面表示要人身安全受威脅才獲賠償。

幾位師姐妹中，只有Yumi上前抱抱安慰Melody，戴夢夢及趙碩之則站在一旁偷笑！

DaDa（左）與A.Lin以Cosplay造型現身，DaDa笑言要用手上的刀防狼。

對於Melody被摸Pat，E Cup Baby緊張地說：「咁捉唔捉到呀？可能最近多新聞（o靚模新聞），我沿途都用把扇遮住心口，再將手放前。」據知，Melody本打算不報警，Tian搶答：「應該報警，學鄭融咁！」E Cup Baby補充說：「應該第一時間捉住對方，唔好畀佢咁易走甩。」而限量一千本的慈善版寫真，昨午四時已售罄。

DaDa與A.Lin被人群包圍，場面墟冚！

現場人多擠迫，工作人員手拖手築起人鏈保護Rainbow及Tian等人。

工作人員護駕

「八模兵團」的DaDa和A.Lin昨日以Cosplay造型出席，有近八名工作人員及經理人包圍保護，獲悉Melody被非禮後，DaDa教防狼招，笑言會用手上的假刀當武器保護自己：「我有武器在手，可以『行』住佢。」而身穿吊帶裙的A.Lin則說：「我會雙手護胸。（下身？）條裙夠厚唔怕。」「八模」亦有推出攬枕，但不及周秀娜的性感，DaDa和A.Lin稱大家各有Fans，但絕不認同白韻琴指人形攬枕與吹氣公仔無異：「我哋係咕，入面係棉花唔係吹氣，係長方形。（功能差唔多？）唔會！Fans好乖。（怕佢哋用作其他用途？）佢哋只係收藏，當精品。」