近日人氣暴升的Chrissie，原定昨午四時半親臨動漫節與Fans作近距離接觸，並親手將「特製體香咕
」頒給排頭位的Fans。不過由於售賣其咕及性感Tee的攤位擠滿近200名Fans，工作人員只好臨時在舞台旁找位置給她做訪問，可惜全程她要站在廁所旁邊，認真大煞風景！由於Chrissie臨時轉移陣地，令現場更混亂，更只有數名Fans見到偶像，加上工作人員未有事先通知保安，一度出現Fans被驅趕的尷尬場面。其中Chrissie忠實Fans、只有13歲的李同學大感不滿，至於排頭位的A先生說：「我喺原來個攤位排咗成個鐘！（有冇幫襯？）冇！啲Tee成300幾蚊件好貴，個咕更加唔好提，成600蚊！」
唔覺得似吹氣公仔
雖然要聞廁所味，Chrissie做訪問時依然氣定神閒，並笑言很開心有13歲的小Fans，問到會否怕小朋友拿咕「曳曳」？Chrissie無奈地說：「冇諗過用途係咁，啲Fans點用我控制唔到。」問到會否驚Fans愛她的身體多過產品時，她說：「如果鍾意我個Body都開心，我都覺得我個Body好好！」對於白韻琴抨擊咕似吹氣公仔，Chrissie說：「咕入面係棉花，唔需要吹氣，可以慳番啖氣！」對於o靚模陳若嵐（Melody）慘遭摸Pat，Chrissie說：「唔尊重女性！一定要報警同懲罰呢個人。」不過現場未見有加強保安，其助手更表示一切慳錢為上！Chrissie說：「有兩個保安同工作人員保護我，如果感覺有唔妥，我會護胸。」可是最後活動被迫取消，令現場Fans一度鼓譟。
同男友咕兩份攬
對於被指抄襲日本水着女星野亞希，Chrissie作出澄清：「我不嬲都好欣賞星野，我出寫真前有參考過其他寫真，但刷牙呢樣嘢我冇印象其他人有影過。至於咕，我知日本有人出過，但我哋推出亦只係配合市場需要。」
另外，Chrissie前晚出席Belvedere IX終極伏特加派對，她笑言男友亦有訂購咕，二人更在家中「一咕兩攬」，十分溫馨。至於有人斥責其寫真似色情刊物，Chrissie說：「我唔覺得啲甫士大膽，每個人角度鍾意或唔鍾意好難控制，但多謝有人睇。」
街訪：好攬但太貴
昨日Chrissie的一比一長方形咕於動漫節發售，雖然第一日銷售情況不錯，但有街坊對咕興趣不大，更有人直指售價$598太貴。
楊妹妹（12歲）
「雖然係幾好攬，但覺得太大個，我又唔鍾意周秀娜，所以覺得598蚊好唔抵！」
陳小姐（19歲）
「唔會買，更何況要成600蚊！但實有男仔鍾意，我又覺得出咕冇咩問題。」
Matthew（18歲）
「麻麻哋好攬，不過我覺得實有人鍾意，而且對Artist本身係好事，起碼多咗人識佢，但我就冇興趣。」
王先生（23歲）
「一啲興趣都冇！幾多錢都唔買，但就覺得幾好攬。其實我有同事都幾鍾意佢，可惜個咕成600蚊，我諗佢哋都唔會買。」