舒淇、郭富城和鄒兆龍前晚拍攝新片《全城戒備》的重頭戲，畏高的舒淇被安排在兩層樓高的貨櫃頂與鄒兆龍決鬥，雖然有威吔輔助，但甫踏上貨櫃頂，她已嚇得呱呱叫：「好驚呀！咁高嘅！」更頻頻拍心口及大叫壯膽，直至導演陳木勝一聲令下，舒淇即邊叫邊從貨櫃頂躍下。

畏高的舒淇驚得頻頻抹汗。	舒淇拒用替身，毫不錫身。	城城拍攝被車撞的場面，左邊手臂被威吔勒到瘀。

其後，舒淇又拍攝凌空吊在貨櫃尾的戲份，弱質纖纖的她僅以雙手支撐身體，雙腳凌空條條Fing，四周又有數十輛汽車穿插，非常危險！不過她棄用替身，試位亦堅持親身上陣。而正式拍攝時，舒淇被威吔勒到、雙腳又被車輛鐵塊不斷撞擊，但她仍頂硬上完成戲份，其後她不斷摸着左邊膊頭及一拐一拐地走路，工作人員見狀即為她按摩紓緩。陳木勝得悉舒淇受傷，亦急急讓她提前收工，他說：「佢本身畏高，都未試過咁高跳落嚟，事前佢唔知會咁，但都好接受，絕對係好演員。」

城城撞瘀手臂

同場的城城亦毫不錫身，拍攝被車撞的戲份也親身上陣！對於拍檔舒淇受傷，他說：「拍呢部戲係幾辛苦，我左邊手臂都畀威吔勒到瘀晒，就嚟去台灣開騷，惟有呢兩日搽多啲去瘀膏囉！」

文：影視組

攝：李廣成