熊黛林（Lynn）和林嘉綺昨日為Estee Lauder擔任模特兒，雖然兩人都低胸上陣，但穿上Deep V的Lynn明顯較性感，Lynn說：「件衫係大會揀，件件都咁靚。」她又大讚林嘉綺高貴、漂亮且身材好，身旁的林嘉綺則謙虛地笑說：「她比較漂亮，我咪咪今日都要請假！」當日的嘉賓還有胡敏珊、陳見飛、貝安琪和袁彩雲等。

戴小奕（右起）、熊黛林、林嘉綺及鍾浠文一同行騷，各具美態。

熊黛林前晚出席生日派對，獲外籍Fans也邀合照。

嘉綺飛毛腿踢色狼

提到師妹Angelababy的寫真大賣，Lynn說：「恭喜佢。（你會唔會拍寫真？）遲啲先，嚟緊有新戲要拍。（介唔介意同郭富城合作？）唔介意。」城城將在台灣開騷，但Lynn卻表示未能捧場：「唔會，我媽咪嚟咗香港探我。（你哋一齊過去囉！）媽咪係嚟陪我嘅。（見家長？）唔會，我會帶媽咪四圍玩，媽咪排第一，其他就冇分喇！（媽咪要求見城城？）冇。（會喺背後支持城城？）係，支持。」而前晚Lynn出席甄子丹的生日派對時，同樣穿上性感Tube Dress，並向壽星仔送上擁抱。

陳見飛因煮麵燙傷手，昨日包紮着傷口現身。

貝安琪打扮性感出席活動。

另外，林嘉綺表示和Lynn跟城城都不太稔熟，但從外形看都是俊男美女所以相當合襯，她則未遇到合適的對象。日前鄭融被胸襲，林嘉綺說：「如果畀人胸襲我就會踢佢去台灣。我平時會張開手，眼睛要利，萬一有人非禮就會踢佢。」