第一代o靚模楊穎（Angelababy）及文詠珊（Janice Man）齊齊升呢，變身「潮模」及「模Art」，兩人的工作量未有受眾多後輩影響。書展剛結束，JM開始發功，昨日現身首個加盟黎明經理人公司後的公開活動，而Baby則成為海港城舉行的《Baby Mini模2009秋／冬時表演》宣傳海報女郎。
JM昨日在銅鑼灣街頭傳宣飲品，約半百Fans撐場。她否認二百萬簽約十年於黎明旗下，當問到是否向樂壇發展，她表示會作多方面嘗試：「以前集中模特兒工作，依家想試多啲嘢，例如演戲，好多角色我都未試過。」對於脫離o靚模行列，她有所避忌：「只要得到認同，乜稱號都冇所謂。（黎明封你做「模Art」？）係模特兒同Artist混合。」問到Baby有否送寫真給她，JM說：「大家都忙所以少聯絡，但我諗佢會私下留本畀我。」
而Baby與多名小童拍海報，還充當臨時導師，教小童擺甫士。問她會否盡早做媽媽？她說：「工作至上，有排都未諗，不過如果有小朋友，我一定會為佢設計好多唔同造型，影好多靚相，如果佢長大想做模特兒，我都會全力支持。」